سياسة الخصوصية

• معطيات الولي: الاسم، رقم الهاتف (ورقم ثاني إذا حبيت)، وعنوان التوصيل.
• معطيات الصغير: الاسم، العمر، الاهتمامات، لغة القصة، وأسماء الشخصيات اللي تزيدها.
• الصور اللي ترفعها للصغير أو لأفراد العايلة باش نرسمو بيها الشخصيات.

• باش نصنعو القصة المخصصة ونطبعوها.
• باش نتصلو بيك لتأكيد الطلب ونوصلولك الكتاب.
• إذا بديت طلب وما كملتوش، ينجم نتصلو بيك بالتليفون باش نعاونوك تكملو.

ما نبيعوش المعطيات متاعك لحتى حد. نعطيو كان اللازم لشركة التوصيل (الاسم، الهاتف والعنوان) باش يوصل الكتاب، وللمطبعة اللي تطبع القصة.

نستعملو Meta Pixel (فيسبوك وإنستغرام) باش نعرفو الإعلانات متاعنا تخدم ولا لا. يسجّل الصفحات اللي زرتها والطلبات (بلاش أسماء، تصاور ولا أرقام تليفون)، وتنجم توقفو من إعدادات الإعلانات في حسابك على فيسبوك.

الصور تُستعمل كان لصنع القصة متاعك. نحتفظو بيها المدة اللازمة لتحضير الطلب وتوصيلو وإعادة الطباعة إذا صار مشكل، وتنجم تطلب فسخها في أي وقت.

تنجم تطلب تشوف، تصلّح ولا تفسخ المعطيات متاعك ومتاع صغيرك، طبقاً للقانون التونسي المتعلق بحماية المعطيات الشخصية. ابعثلنا على واتساب ولا بالإيميل ونجاوبوك في أقرب وقت.